1. А МЫ ПРОСА СЕЯЛI [1;с.8]
Задача. Удасканальваць навыкi перамяшчэння шарэнгай; выхоўваць пачуццё калектывiзму, сяброўскiя адносiны дзяцей памiж сабой.
Апiсанне гульнi. Дзецi, узяўшыся за рукi, стаяць дзвюма шарэнгамi, тварам адзiн да аднаго. У адной шарэнзе хлопчыкi, у другой – дзяўчынкi.
Хлопчыкi шарэнгай падыходзяць да дзяўчынак i спяваюць:
- А мы проса сеялi, сеялi! (Iдуць на сваё месца.)
Дзяўчынкi паўтараюць гэтыя ж рухi i таксама спяваюць:
- А мы проса вытапчам, вытапчам, вытапчам!
-Ды чым жа вам вытаптаць, вытаптаць, вытаптаць? (Iдуць i спяваюць хлопчыкi.)
- А мы коней выпусцiм, выпусцiм, выпусцiм! (Iдуць i спяваюць дзяўчынкi.)
- А мы каней пераймём, пераймём, пераймём! (Iдуць i спяваюць хлопчыкi.)
- Ды чым жа вам пераняць, пераняць, пераняць? (Iдуць i спяваюць дзяўчынкi.)
- А шаўковым повадам, повадам, повадам! (Iдуць хлопчыкi.)
- А мы каней выкупiм, выкупiм, выкупiм! (Iдуць дзяўчынкi.)
- Ды чым жа вам выкупiць, выкупiць, выкупiць? (Iдуць хлопчыкi.)
- А мы дадзiм сто рублёў, сто рублёў сто рублёў. (Iдуць дзяўчынкi.)
- Не трэба нам тысячы, тысячы, тысячы. (Iдуць хлопчыкi.)
- А мы дадзiм дзеўчыну, дзеўчыну, дзеўчыну. (Iдуць дзяўчынкi. Усе вяртаюцца назад. Адна дзяўчынка застаецца.)
- Вось гэта трэба нам, трэба нам, трэба нам! (Хлопчыкi падыходзяць да дзяўчынкi i становяцца кругам вакол яе.) Дзяўчынка танцуе, а хлопчыкi пляскаюць у далонi.
Правiлы.
Дзецi павiнны рухацца роўнай шарэнгай; у той час, калi iдуць i спяваюць хлопчыкi, дзяўчынкi стаяць на месцы, i наадварот.
2. IВАНКА I МАРЫЛЬКА [1; с. 14]
Задача. Развiваць узгодненнасць рухаў; выхоўваць пачуццё калектывiзму.
Апiсанне гульнi. Выбiраецца дзяўчынка Марылька. Яна з хустачкай у руцэ становiцца ў сярэдзiну круга. Дзецi, узяўшыся за рукi, iдуць па кругу i спяваюць:
А дзе той Iванка, (3 разы)
Што ўстае спазаранку.
Ён спрытны, працавiты,
Танцуе, пяе i ў вучобе не адстае.
Iванка, выбежы, свой спрыт пакажы.
Дзяўчынка Марылька ходзiць па кругу, шукае Iванку. Пасля таго як дзецi закончылi спяваць, яна спыняецца каля хлопчыка i запрашае яго выйсцi ў круг. Хлопчык Iванка са словамi «гоп-гоп-гоп» выбягае на сярэдзiну круга прыгаворваючы:
Як тупну нагой, ды прытопну другой, (тупае нагамi)
Кругом пакружуся, (кружыцца)
Усiм людзям пакажуся (выконвае танцавальныя рухi).
Марылька танцуе вакол Iванкi i махае хустачкай. Дзецi дружна пляскаюць у далонi i прыговарваюць:
Танцуй, танцуй, Iванка, хоць да ранку,
Толькi Марыльку з сабой забяры.
Iванка бярэ Марыльку за руку, вядзе яе на сваё месца ў крузе.
Затым выбiраецца другая дзяўчынка Марылька i гульня працягваецца.
Правiлы.
Дзецi павiнны выконваць танцавальныя рухi, узгадняючы iх са словамi песнi.
3. ЛЯНОК [1; с. 5]
Задача. Практыкаваць ва ўменнi ўзгадняць рухi са словамi песнi; выхоўваць пачуццё калектывiзму.
Апiсанне гульнi. З лiку тых, хто прымае ўдзел у гульнi, выбiраецца бабуля. Астатнiя становяцца ў круг. Яны пытаюцца:
- Што ты, бабуля, нам прасцi дасi?
Бабуля выходзiць у цэнтр круга i адказвае:
- Старым бабулькам воўны пасмачку, а прыгожым маладзiчкам белы лянок!
Пасля гэтага дзецi разам з бабуляй пачынаюць спяваць, паказваючы рухамi дзеяннi, пра якiя гаворыцца ў песнi:
А мы сеялi, сеялi лянок, белы, слаўны кужалёк!
Урадзiся, наш лянок! Урадзiся, кужалёк!
Мы лянок iрвалi, жалi, абразалi, у полi слалi,
У снапочкi збiралi. Урадзiўся лянок, белы, слаўны кужалёк.
Правiлы.
Дзецi павiнны дакладна выконваць дзеяннi, якiя паказвае бабуля.
3. ЛЯНОК [3; с. 74]
Задача. Развiваць спрытнасць, хуткасць рэакцыi.
Апiсанне гульнi. У гульнi ўдзельнiчае не менш за 8-10 чалавек. Дзецi выбiраюць вядучага, затым крэсляць на зямлi кружкi – «гнёзды». Iх павiнна быць на адзiн менш, чым удзельнiкаў гульнi. Пасля гэтага ўсе становяцца ў вялiкае кола i бяруцца за рукi. Вядучы ходзiць па кругу i робiць розныя рухi. Нечакана вядучы камандуе: «Садзi лянок!». Кожнае дзiця з кола iмкнецца заняць «гняздо». Той, хто не займе яго, лiчыцца «пасаджаным» (яго «садзяць» у «гняздо», дзе ён знаходзiцца да канца гульнi). Затым гульня паўтараецца.
Правiлы.
Дзецi павiнны займаць «гнёзды» толькi пасля слоў «Садзi лянок!». Перамагае той, хто займе апошняе свабоднае «гняздо».
4. ГАРНУШАК [1 ; с. 44]
Задача. Удасканальваць навыкi хуткага бегу, спрыт, вытрымку.
Апiсанне гульнi. Дзецi садзяцца на лаву, якая стаiць пасярэдзiне пляцоўкi, плячамi адзiн да аднаго. Адзiн з удзельнiкаў гульнi называецца гарнушкам. Ён ходзiць вакол чарады i раптам стукае каго-небудзь па калене i крычыць: «Гарнушак!» Той зрываецца з месца i бяжыць вакол лавы, стараючыся апярэдзiць гарнушка, якi таксама бяжыць, але ў iншым напрамку. Хто раней займе месца на лаве, той выйграе, а другi дае фант i становiцца гарнушкам.
Правiлы.
Дзецi павiнны бегчы вакол лавы ў розных напрамках.
Варыянты. Бегчы да арыенцiра, якi знаходзiцца на адлегласцi ад дзяцей, абабегчы яго, звярнуцца, заняць месца на лаве. Хто раней займе месца на лаве, той выйграе.
5. ПТУШКI [3 ; с. 55]
Задача. Замацоўваць уменне называць i класiфiкаваць звяроў, птушак, рыб.
Апiсанне гульнi. Гульня праводзiцца ў коле. Адзiн з гульцоў перадае суседу справа прадмет i кажа: «Вось птушка. Што за птушка?». «Верабей», - адказвае той i хутка перадае прадмет наступнаму.
Прадмет можна перадаваць па крузе некалькi разоў, пакуль запас ведаў удзельнiкаў гульнi не будзе вычарпаны.
Правiлы.
Адказваць трэба адразу. Калi дзiця марудзiць, iншыя гульцы пачынаюць дапамагаць яму, называючы птушак. Адну i тую ж птушку нельга называць двойчы. Калi хто-небудзь паўторыць назву два разы, плацiць фант, а ў канцы гульнi выкупляе яго.
Варыянты. Гэтак жа гуляюць, называючы звяроў, рыб, насякомых.
6. ГАРЛАЧЫК [1 ; с. 20]
Задача. Практыкаваць у бегу, ва ўменнi дзейнiчаць па сiгналу, хутка арыентавацца у навакольным; развiваць увагу.
Апiсанне гульнi. Дзецi садзяць у крузе на кукiшках. Гэта гарлачыкi. Па кругу ходзiць пакупнiк. Спынiўшыся каля каго-небудзь, ён пытаецца:
- Колькi каштуе гарлачык?
Дзiця адказвае:
За гарлачык гэты дай нам зусiм крышку:
Каб нiколi не хварэць – маннай кашы лыжку.
Пасля гэтых слоў дзiця-гарлачык падымаецца на ногi i бяжыць па кругу ў адным напрамку, а пакупнiк – насустрач яму. Кожны iмкнецца заняць свабоднае месца. Той, хто спазняецца, становiцца пакупнiком.
Правiлы.
Дзецi павiнны бегчы па кругу ў розных напрамках пасля слоў «… маннай кашы лыжку»; кожны з iх iмкнецца заняць свабоднае месца.
Варыянты. Пакупнiк становiцца памiж гарлачыкамi i пытаецца:
- Колькi каштуе гарлачык?
Дзецi-гарлачыкi адказваюць:
За гарлачык гэты дай нам зусiм крышку:
Каб нiколi не хварэць – маннай кашы лыжку.
Пасля гэтых слоў дзецi-гарлачыкi падымаюцца на ногi i бягуць па кругу ў розных напрамках. Кожны iмкнецца заняць свабоднае месца. Той, хто спазняецца, становiцца пакупнiком.
7. РЭШАТА [1 ; с. 34]
Задача. Развiваць хуткасць i дакладнасць рухаў; выхоўваць смеласць, сумленнасць.
Апiсанне гульнi. Дзецi становяцца ў калону. Дзiця, якое стаiць спераду, бярэ ў рукi палку, а ўсе астатнiя трымаюць адзiн аднаго рукамi за пояс. Адзiн з дзяцей – водзячы не становiцца ў рад, ён бярэ хустачку, скручвае ў трубачку i на адным яе канцы завязвае невялiкi вузельчык. Зрабiўшы, такiм чынам, лёгенькi скрутачак, ён павiнен стукнуць iм па плячах апошняга iграка. Але той не чакае гэтага. Ён зрываецца з месца, бяжыць да першага ў радзе, бярэ ў яго палку i становiцца перад iм, г. зн. хаваецца за палкай. Калi гэта iграку зрабiць удаецца, водзячы падбягае да дiцяцi, якое стала апошнiм, i iмкнецца ўдарыць яго. Так гуляюць да той пары, пакуль не падойдзе чарга бегчы iграку, якi ў пачатку гульнi стаяў спераду з палкай у руках. Тады скрутачак перадаецца гэтаму iграку, i гульня працягваецца.
Правiлы.
Калi iгрок не паспее схавацца за палкай i атрымлiвае скрутачкам па плячах, ён павiнен бегчы яшчэ раз вакол рада дзяцей.
8. СВIНКА [1 ; с. 28]
Задача. Практыкаваць у забiваннi мяча ў цэль; развiваць спрыт, хуткасць рэакцыi, дакладнасць рухаў.
Апiсанне гульнi. Выбiраецца водзячы. У цэнтры нарысаванага круга выкопваецца яма-хлеў, побач з якiм кладзецца мяч (свiнка). Дзецi становяцца за лiнiю круга i прыгаворваюць:
- Куба-куба-кубака, гонiм свiнку да хляўка!
Пасля гэтых слоў водзячы палкай цi нагой адкiдвае свiнку як мага далей убок. Усе бягуць да свiнкi, перакiдваюць яе адзiн аднаму нагамi i спрабуюць загнаць у хлявок. Водзячы перашкаджае iм i выкiдвае свiнку з круга. Калi дзецям удаецца закiнуць свiнку ў хлеў, выбiраецца новы водзячы, i гульня працягваецца.
Правiлы.
Дзецi не павiнны кранаць мяч рукамi; водзячы не мае права выходзiць за межы круга.
9. МIХАСIК [1 ; с. 31]
Задача. Практыкаваць ва ўменнi ўзгадняць рухi з характарам мелодыi; развiваць спрыт, хуткасць, настойлiвасць.
Апiсанне гульнi. Па кругу ставяць 6-7 пар абутку, 7-8 удзельнiкаў становяцца вакол «лапцей». Дзецi гавораць:
- Ты, Мiхасiк, не зявай! Хутка лапцi абувай!
Гучыць беларуская народная мелодыя. Дзецi, выконваючы танцавальныя рухi, перамяшчаюцца па кругу. Па сiгналу (змаўкае музыка) кожны стараецца хутка надзець «лапцi». Дзецi, якiя засталiся без абутку, выбываюць з гульнi.
Правiлы.
Пры кожным паўторы гульнi адна пара лапцей прымаецца; гульня працягваецца да таго часу, пакуль не застанецца адзiн удзельнiк.
10. ГАСПАДЫНЯ I КОТ[1 ; с. 25]
Задача. Практыкаваць у бегу з лоўляй i ўхiленнем; развiваць спрыт, вынослiвасць.
Апiсанне гульнi. Дзецi выбiраюць па лiчылцы мацi, дачку i ката. Усе астатнiя – збаночкi.
Мацi гаворыць:
- Вось там, каля бярозкi будзе склеп. А вось тут – наш дом. Iдзiце ўсе, збаночкi, у дом!
Збаночкi прыйшлi i спынiлiся. Мацi гаворыць:
- Дапамажы мне, дачушка, збаночкi ў склеп аднесцi!
Мацi бярэ двух дзяцей за рукi, дачка таксама бярэ двух дзяцей за рукi, i ўсе iдуць ад дома да склепа – гэта яны збаночкi нясуць.
Так i ходзяць мацi з дачкою, пакуль не перанясуць у склеп усе збаночкi. У склепе збаночкi стаяць або садзяць на кукiшках.
- Ну, дачка, - гаворыць мацi, - я на работу пайду, а ты дома сядзi ды наглядвай за катом, каб ён у склеп не залез, збаночкi не перакулiў.
Сказала i адышла ўбок. Дачцэ сумна адной сядзець, пайшла яна да сябровак. А кату толькi гэта i трэба. Азiрнуўся ў адзiн бок, у другi i пайшоў да склепа. Пачаў збаночкi перакульваць, кране лапкай i кажа:
- У гэтым – смятанка! У гэтым – малако! У гэтым – тварог! У гэтым – кiслае малако! У гэтым масла!
Вярнулiся мацi i дачка i пачалi лавiць ката. Ды дзе не даецца кот у рукi. Тады падымаюцца ўсе збаночкi i пачынаюць лавiць ката. Бегаюць ды прыгаворваюць:
- Не выкруцiшся, кот!
- Пападзешся, кот!
- Давайце яго, свавольнiка, сеткаю лавiць! – гаворыць мацi.
Хўтка ўсе за рукi ўзялiся – атрымалася сетка. Пачалi ката сеткаю лавiць. Ён туды, ён сюды – ды не змог на гэты раз уцячы: трапiў у сетку.
Пачаў прасiцца:
- Адпусцiце мяне! Не буду перакульваць збаночкi!
Стаў круг шырэйшы. Усе гавораць кату:
- Патанцуй, паскачы, тады адпусцiм!
Кот танцуе. Усе бачаць: змарыўся кот. Разнялi сетку.
- Выходзь, кот. Выходзь ды памятай:
Першы раз даруецца,
Другi забараняецца!
I разбеглiся ўсе хто куды.
Правiлы.
Дзецi-збаночкi пачынаюць лавiць дзiця-ката толькi тады, калi iх аб гэтым просiць дзiця-мацi; дзiця-кот лiчыцца злоўленым, калi дзецi сашчэпяць рукi вакол яго.
11. ФАРБЫ [1 ; с. 23]
Задача. Практыкаваць у бегу з лоўляй i ўхiленнем; развiваць памяць, кемлiвасць.
Апiсанне гульнi. Дзецi выбiраюць гаспадара фарбаў i адгадчыка Несцерку. Усе астатнiя – фарбы.
Несцерка адыходзiць убок, а гаспадар i фарбы цiхенька згаворваюцца, хто якой фарбай будзе. Назву фарбам можа даваць гаспадар, або кожны сам выбiрае сабе якi-небудзь колер (зялёны, чырвоны, белы i г.д.). Гаспадар павiнен добра запомнiць, хто якая фарба.
Калi назвы дадзены, фарбы i гаспадар прысядаюць на кукiшкi i робяць выгляд, што засынаюць.
Тут да фарбаў падыходзiць Несцерка, тупае некалькi разоў нагой i гаворыць:
- Стук-стук!
Гаспадар прачынаецца i пытаецца:
- Хто тут?
- Несцерка!
- Чаго прыйшоў?
- Па фарбу!
- Па якую?
Несцерка называе якi-небудзь колер, напрыклад:
- Па сiнюю!
Калi такога колеру сярод фарбаў няма, гаспадар гаворыць:
- Такой фарбы ў нас няма!
А ўсе фарбы пляскаюць у ладкi i прыгаворваюць:
Пайдзi за сiненькi лясок,
Знайдзi сiнi чабаток.
Панясi, панясi! I нам прынясi!
Пасля гэтых слоў Несцерка адыходзiць убок, потым вяртаецца i працягвае з гаспадаром гутарку:
- Стук-стук!
- Хто тут?
- Несцерка!
- Чаго прыйшоў?
- Па фарбу!
- Па якую?
- Па белую!
Калi белая фарба ёсць, гаспадар яму гаворыць:
- Ёсць белая фарба, бяры яе.
Фарба ўцякае, а Несцерка яе ловiць.
Правiлы.
Дзiця-фарба пывiнна бегчы ў загадзя абазначанае месца; злоўленая фарба наступны раз у гульнi ўдзел не прымае.
12. ПАЛЯВАННЕ НА ЛIСАЎ [1 ; с. 33]
Задача. Практыкаваць у хадзьбе i бегу па кругу, ва ўменнi хутка арыентавацца ў навакольным; выхоўваць пачуццё калектывiзму, узаемадапамогi.
Апiсанне гульнi. Па дамоўленасцi дзецi выбiраюць паляўнiчага i пяць лiсаў. Астатнiя, узяўшыся за рукi, утвараюць чатыры маленькiя кругi. Гэтыя кругi раўнамерна размяшчаюцца па пляцоўцы. Кожны круг – гэта лiсiная нара, дзе жыве адзiн лiс. Сярод кругоў бегае лiс, у якога няма нары. За iм палюе паляўнiчы. Як толькi лiс залазiць у якую-небудзь нару, то лiс, што ў ёй знаходзiцца, павiнен адразу ж пакiнуць яе i ўцякаць ад паляўнiчага ў другую нару. Злоўлены лiс становiцца паляўнiчым.
Правiлы.
У кожнай нары павiнен жыць толькi адзiн лiс; паляўнiчы не мае права лавiць лiса, якi схаваўся ад яго ў крузе.
Варыянты. Па лiчылцы дзецi выбiраюць паляўнiчага. Усе астатнiя - лiсы. На падлозе ляжаць абручы – гэта норы, у кожнай нары жыве адзiн лiс. Абручоў павiнна быць на адзiн менш, чым удзельнiкаў гульнi. Сярод абручоў бегае лiс, у якога няма нары. За iм палюе паляўнiчы. Як толькi лiс залазiць у якую-небудзь нару, той лiс, што ў ёй знаходзiцца, павiнен адразу ж пакiнуць яе i ўцякаць ад паляўнiчага ў другую нару. Злоўлены лiс становiцца паляўнiчым.
13. КАЧКА [1 ; с. 45]
Задача. Удасканальваць навыкi лоўлi мяча, пападання iм у рухомую цэль; развiваць хуткасць рэакцыi, спрыт, вынослiвасць.
Апiсанне гульнi. Чэрцяць круг дыяметрам 15-20 м, у якi становiцца водзячы - паляўнiчы. Ён кiдае качку (мячык) угору i называе iмя аднаго з iгракоў. Названы павiнен злавiць качку, тады ён стане паляўнiчым. Калi гэта яму не ўдаецца зрабiць, з таго месца, дзе спынiлася качка, ён павiнен трапiць у аднаго з iгракоў, якiя перамяшчаюцца па кругу. Толькi тады ён становiцца паляўнiчым. Iгрок, у якога трапiлi мячом, выбывае з гульнi, але калi той, хто кiдае, прамахнецца, з гульнi выбывае ён сам. Пераможцам лiчыцца той, хто застанецца ў гульнi апошнiм.
Правiлы.
Калi мячык выкацiцца за межы круга, iгрок, якому ён быў адрасаваны, можа зрабiць з месца прыпынку два крокi ў любым напрамку.
14. КАНОПЛI [1 ; с. 35]
Задача. Выпрацоўваць навыкi хуткага бегу, умене адгадваць тактычныя прыёмы працiўнiка; фармiраваць вытрымку.
Апiсанне гульнi. Iгракi па дамоўленасцi выбiраюць гаспадара, становяцца ў шарэнгу i бяруцца за рукi. Гаспадар iдзе ўздоўж шарэнгi, спыняецца каля аднаго з iгракоў i пачынае з iм дыялог:
- Прыходзь да мяне каноплi палоць.
- Не хачу!
- А кашу есцi?
- Хоць зараз!
- Ах ты, гультай! – i бяжыць у любы канец шарэнгi. Адначасова i iгрок бяжыць у тым жа напрамку, але за спiнамi iгракоў. Хто першы – гаспадар цi гультай – возьме за руку апошняга ў шарэнзе, той становiцца з iм побач, а iгрок, якi застаўся, займае месца гаспадара.
Правiлы.
Пасля слоў «Ах ты, гультай!» гаспадар можа зрабiць некалькi падманлiвых рухаў; пакуль гаспадар не пабяжыць, гультай не мае права кранацца з месца.
Варыянты. Гультай i гаспадар абабягаюць шарэнгу i адзiн з iх, якi прыбег хутчэй, займае ў шарэнзе свабоднае месца.
15. ПРОСА [3 ; с.71]
Задача. Выхоўваць у дзяцей рухавасць, спрытнасць.
Апiсанне гульнi. У гульнi ўдзельнiчаюць не менш чым шэсць чалавек. Дзецi выбiраюць гаспадара (гаспадыню), становяцца ў шарэнгу i бяруцца за рукi. Гаспадар праходзiць уздоўж шарэнгi, спыняецца каля каго-небудзь i пачынае з iм дыялог:
- Прыходзь да мяне проса палоць.
- Не хачу!
- А калi есцi?
- Хоць зараз!
- Ах ты гультай! – i адразу бяжыць у любы канец шарэнгi.
Адначасова «гультай» бяжыць у тым жа напрамку, але за спiнамi дзяцей. Той, хто першы – гаспадар або гультай - схопiць за руку апошняга ў шарэнзе, становiцца з iм побач, а той, хто не паспеў, займае месца гаспадара.
Правiлы.
Пасля слоў «Ах ты, гультай!» гаспадар можа зрабiць некалькi падманлiвых рухаў (пакуль гаспадар не пабяжыць, гультай не мае права крануцца з месца).
Варыянты. Гультай i гаспадар абабягаюць шарэнгу i адзiн з iх, якi прыбег хутчэй, займае ў шарэнзе свабоднае месца.
16. ПАЛАТНО[1 ; с. 48]
Задача. Практыкаваць ва ўменнi хадзiць па спiралi, узгадняючы свае рухi з рухамi дзяцей, якiя iдуць побач; развiваць каардынацыю рухаў.
Апiсанне гульнi. Дзецi, узяўшыся за рукi, утвараюць шарэнгу – гэта палатно. Першы ў шарэнзе называецца «маткай». Недалёка ад дзяцей стаiць кравец. Матка стаiць нерухома i паказвае дзецям, каб завiвалiся вакол яе. Калi ўсе заўюцца, кравец забiрае апошняга з ланцуга. Пасля гэтага ўсе развiваюцца, а матка пачынае лiчыць, называючы кожнага пачаргова: першае палатно, другое палатно i г.д. Не далiчыўшыся апошняга палатна, яна пытаецца: «Дзе ж яшчэ адно палатно?» Ёй адказваюць: «Па нiткi пайшло!»
Такiм чынам гульня працягваецца да таго часу, пакуль кравец не забярэ i не схавае па аднаму ўсiх дзяцей, акрамя маткi. Пасля гэтага матка iдзе шукаць палатно, а калi знойдзе, загадвае краўцу пералавiць дзяцей яе палатна. Яны разбягаюцца, а кравец iх ловiць.
Правiлы.
Стоячы ў шарэнзе, пры закручваннi i раскручваннi вакол маткi, трэба моцна трымаць адзiн аднаго за рукi; дзiця-кравец павiнна непрыкметна забраць дзiця-палатно i схаваць яго.
17. КАШКА [1 ; с. 62]
Задача. Ўдасканальваць навыкi бегу па кругу; развiваць увагу.
Апiсанне гульнi. Дзецi выбiраюць вядучага – кашавара – i становяцца тварам у круг. Кашавар бяжыць за спiнамi дзяцей i непрыкметна падкiдвае да ног каго-небудзь лыжку (хустачку, шышку, каменьчык). Пасля гэтага бяжыць яшчэ круг i падштурхоўвае iграка, якому падкiнута лыжка, гаворачы: «Кашку вары!» Iгрок становiцца ў сярэдзiну круга, дзе павiнен знаходзiцца да канца гульнi. Калi iгрок заўважыць падкiнутую яму лыжку, ён падымае яе i сам становiцца кашаварам. Па меры таго як дзецi iдуць варыць кашку, круг звужаецца. Гульня заканчваецца, калi ў крузе застанецца не больш як чатыры iгракi.
Правiлы.
Iгракi ў крузе павiнны заўважыць падкiнутую лыжку толькi пры дапамозе паварота галавы; сыходзiць з месца забараняецца.
Варыянты. Дзецi становяцца тварам у круг. Кашавар бяжыць за спiнамi дзяцей i непрыкметна ў рукi аддае якому-лiба iграку лыжку (рукi трэба трымаць за спiнай). Кашавар можа прабегчы неколькi кругоў, спынiцца ў любым месцы i сказаць: «Кашку вары!» Iгрок, у руках якога лыжка, павiнен забегчы ў круг. Дзецi, якiя знаходзяцца побач, павiнны схапiць i не пускаць яго ў круг. Калi iгрок паспеў забегчы у круг, тады ён становiцца кашаварам.
18. ПАЛЯЎНIЧЫЯ I КАЧКI [2 ; с. 123]
Задача. Удасканальваць навыкi пападання мячом у рухомую цэль, развiваць хуткасць рэакцыi, уменне арыентавацца ў навакольных абставiнах, смеласць, спрыт.
Апiсанне гульнi. Гуляючыя падзяляюцца на дзве каманды з роўнай колькасцю ўдзельнiкаў. Адна каманда – качкi, другая – паляўнiчыя. Паляўнiчыя ўтвараюць знешнi вялiкi круг i абводзяць яго. Качкi абводзяць унутраны маленькi круг на адлегласцi 2,5-3 м ад круга паляўнiчых. Па сiгналу паляўнiчыя страляюць у качак – стараюцца трапiць у iх мячом. Калi ўсе качкi злоўлены, каманды мяняюцца месцамi.
Правiлы.
Паляўнiчым i качкам нельга выходзiць з абведзеных кругоў. Асаленае мячом дзiця выходзе з гульнi. Калi гуляюць некалькi каманд, выйграе тая каманда, якая хутчэй пераловiць качак. Мяч трэба кiдаць у ногi качкам або спiну.
Варыянты. Качкi знаходзяцца на пляцоўцы. Два паляўнiчых стаяць на супрацьлеглых баках пляцоўкi тварам адзiн да аднаго, адзiн з паляўнiчых трымае ў руках мяч. Паляўнiчыя кiдаюць у качак мяч. Качкi бегаюць па пляцоўцы, стараючыся ўхiляцца ад мяча. Качкi, у якiх трапiў мяч, выходзяць з гульнi.
19. ВАРТАЎНIК [1 ; с. 31]
Задача. Развiваць хуткасць рэакцыi, уменне арыентавацца ў навакольных абставiнах, смеласць, спрыт.
Апiсанне гульнi. Выбраны па лiчылцы вартаўнiк падыходзiць да аднаго з дзяцей, якiя стаяць свабодна па ўсей пляцоўцы. Дзiця адразу ж прысядае на кукiшкi, а вартаўнiк кладзе яму руку на галаву – ахоўвае яго. Другой рукой ён iмкнецца заплямiць дзяцей, якiя бегаюць па пляцоўцы i стараюцца дакрануцца да таго, хто сядзiць на кукiшках.
Правiла.
Вартаўнiк павiнен плямiць дзяцей не адымаючы адной рукi з галавы дзiцяцi, што сядзiць; новым вартаўнiком становiцца той, хто заплямiць дзiця, якое сядзiць.
Варыянты. Вартаўнiкоў можа быць некалькi.
20. Гусi-лебедзi[1 ; с. 49] Першы варыянт
Задача. Удасканальваць навыкi бегу, узгодненасць дзеянняў; выхоўваць пачуццё калектывiзму, смеласць, сумленнасць.
Апiсанне гульнi. Па лiчылцы дзецi выбiраюць гаспадыню i ваўка. Усе астатнiя – гусi-лебедзi.
Гаспадыня з гусямi-лебедзямi iдзе ў адзiн бок – там iх дом, воўк iдзе ў другi бок, за гару – там яго дом.
Памiж домам гаспадынi i домам воўка – чыстае поле. Гаспадыня гаворыць гусям-лебедзям:
- Гусi-лебедзi! Пара ў чыста поле са двара!
Гусi-лебедзi махаюць крыламi, крычаць: «Га-га-га!» - i бягуць у чыста поле.
Iх пачуў воўк i пачаў падкрадвацца да гусей-лебедзей. Ступiць крышку, адыдзе назад, а сам сцiскае гусей-лебедзей да свайго дома. Загнаўшы iх усiх у свой дом, гаворыць:
- Сядзiце, не крычыце, крыламi не махайце!
Пайшла гаспадыня гусей шукаць. Iдзе па чыстым полi, прыгаворвае:
- Тут воўчы след, тут гусiны след. Тут воўчы след, тут гусiны след…
Так па слядах i падышла да воўчага дома. Прыйшла i заве ваўка:
- Воўк, воўк! Iдзi сюды!
Воўк выйшаў i пытаецца:
- Што табе трэба?
Гаспадыня гаворыць:
- Цi не ты ўкраў маiх гусей-лебедзей?
Воўк адказвае:
- Ды я тваiх гусей i не бачыў! Якiя яны ў цябе былi?
Гаспадыня адказвае:
- I белыя былi, i шэрыя былi, i стракатыя!
Воўк падумаў i прыдумаў хiтрасць:
- Вось па гэтай сцяжынцы пойдзеш –
Усiх гусей-лебедзей знойдзеш:
I белых, i шэрых, i стракатых!
Гаспадыня пайшла па сцяжынцы, якую ёй воўк паказаў, а гусi-лебедзi ў гэты час замахалi крыламi. Гаспадыня прыслухалася i пытаецца:
- Воўк, што гэта за шум у тваiм доме?
Воўк адказвае:
- Гэта ў мяне лыжкi да мiскi з полкi на падлогу падаюць!
Гусi ў гэты час зашыпелi. Гаспадыня пытаецца:
- Воўк, воўк! Хто гэта ў тваiм доме так шыпiць?
Воўк адказвае:
- Гэта капуста ў маёй печы кiпiць!
Гусi ў гэты час затупалi нагамi. Гаспадыня пытаецца:
- Воўк! Хто гэта ў тваiм доме так тупае?
Воўк адказвае:
- Гэта мае конi капытамi ў стайнi б’юць, аўса хочуць.
Тут раптам гусi як закрычаць:
- Га-га-га! Га-га-га!
- А гэта хто? – пытаецца гаспадыня. – Гэта мае гусi-лебедзi! Аддай мне iх!
Воўк гаворыць:
- Не аддам!
Тады гаспадыня падымае з зямлi каменчык i пытаецца:
- Воўк! Хочаш з’есцi авечку?
- Хачу. Дзе авечка?
Гаспадыня кiдае каменьчык i гаворыць:
- Вось яна! Даганяй!
Воўк бягом за авечкай. А гаспадыня падбягае да воўчага дома i крычыць:
- Гусi-лебедзi, дадому!
Гусi выбягаюць i бягуць да свайго дома. Воўк кiдае авечку i гонiцца за гусямi. Калi ваўку не ўдаецца схапiць нiводнага з гусей, усе гусi збiраюцца ў гаспадынiным доме i дражняць яго:
Воўк за гарою, шэры за крутою.
Ваўка не баюся, кiем баранюся,
Качарэжкай адаб’юся.
А калi воўк схопiць каго-небузь з гусей-лебедзей, той i становiцца ваўком, i гульня пачынаецца спачатку.
Правiлы.
Бегчы ад ваўка можна толькi пасля слоў гаспадынi: «Гусi-лебедзi, дамоў!» (Адлегласць ад дома ваўка да дома гаспадынi павiнна быць не менш чым 30 м.)
20. Гусi-лебедзi[3 ; с. 64] Другi варыянт
Задача. Удасканальваць навыкi бегу, узгодненасць дзеянняў; выхоўваць пачуццё калектывiзму, смеласць, сумленнасць.
Апiсанне гульнi. Па лiчылцы дзецi выбiраюць ваўка. Гаспадыня – выхавальнiк. Усе астатнiя – гусi-лебедзi.
Гаспадыня з гусямi-лебедзямi iдзе ў адзiн бок – там iх дом, воўк iдзе ў другi бок, за гару – там яго дом.
Памiж домам гаспадынi i домам воўка – чыстае поле. Гаспадня гаворыць гусям-лебедзям:
- Гусi-лебедзi! Пара ў чыста поле са двара!
Гусi-лебедзi махаюць крыламi, крычаць: «Га-га-га!» - i бягуць у чыста поле.
Памiж гаспадыняй i гусямi адбываецца такая размова:
- Гусi-гусi!
- Га-га-га!
- Есцi хочаце?
- Ага!
- Дык ляцiце…
- Го-го-го, воўк зубаты за гарой.
- Гусi-гусi!
- Го-го-го…
- Вы не бойцеся яго!
Першай гуска паляцела,
Потым – гусяняты.
I гусак падняўся смела,
Следам - воўк зубаты.
Гусi бягуць да гаспадынi, а воўк стараецца злавiць каго-небудзь. Злавiўшы гуся, ён вядзе яго ў сваё логава Калi воўк нiкога не зловiць, гаспадыня гаворыць:
Скочыў шэры на дарогу,
Толькi не злавiў нiкога!
Правiлы.
Калi дзецi вывучаць тэкст, гаспадыняй можа быць хто-небудзь з гульцоў. Гаспадыню, як i ваўка выбiраюць тады з дапамогай лiчылак. Адлегласць ад дома ваўка да дома гаспадынi павiнна быць не менш чым 30 м.
Падрыхтавала кiраунiк фiзiчнага выхавання Знькевич М.Н.
Спіс літаратуры:
- Беларускiя гульнi ў дзiчячым садзе: Дапаможнiк для выхавальнiка / Склад. З.I.Ермакова, В.М.Шабека. – 2-е выд., дап. – Мн.: Нар.асвета, 1987. – 80 с.: iл.
- Детские подвижные игры народов СССР: Пособие для воспитателей дет. сада / Сост. А.В.Кенеман; Под ред. Т.И.Осокиной. – М.: Просвещение, 1988. – 239 с.: ил.
- Старжынская, Н.С. Сябруем i гуляем разам. – Мн.: Нар. асвета, 1994. – 80 с.